AWS Solutions Architect Associate (SAA-C03) სასერტიფიკატო კურსი

კურსის აღწერა:

განრიგი: სამშაბათი, პარასკევი 20:00 - 22:00

კურსის მიზანი:

შეასწავლოს მსმენელს Amazon Web Services ღრუბლოვანი სერვისების მუშაობის საკვანძო კონცეფციები და განუვითაროს მათი პრაქტიკული გამოყენების უნარები. მოამზადოს მსმენელი საერთაშორისო გადაწყვეტილებათა არქიტექტორის სასერტიფიკატო AWS Solutions Architect Associate (SAA-C03) გამოცდის ჩასაბარებლად.

---

კურსის კონცეფცია:

• მსმენელები სიღრმისეულად გაეცნობიან AWS-ს საკვანძო სერვისების აუცილებელ თეორიას;
• ლექციის მიმდინარეობისას ყურადღება იქნება გამახვილებული ამა თუ იმ სერვისის გამოყენების საგამოცდო/რეალურ პროექტებში წარმოქმნილ ქეისებზე;
• კურსში მრავლად იქნება განხილული სერვისების რეალიზაციის პრაქტიკული მაგალითები;
• სხვადასხვა სერვისის პრაქტიკული რეალიზაციისას, სქემატურად იქნება გააზრებული და ახსნილი არქიტექტურული გადაწყვეტილებები;
• კურსის ლოგიკური სტრუქტურა აგებულია სერვისების ერთმანეთთან დაკავშირებით გამოყენების ჭრილში;

---

ინსტრუმენტები და მინიმალური მოთხოვნები:

მსმენელს კურსის გავლისთვის დასჭირდება კომპიუტერი, ინტერნეტთან ხარისხიანი კავშირი, აქტიური საბანკო ბარათი AWS სერვისზე დასარეგისტრირებლად. კურსის მასალის ასათვისებლად მსმენელი უმეტესწილად გამოიყენებს ამაზონისგან სერვისებზე გამოყოფილ უფასო ლიმიტებს.

კურსის გასავლელად მსმენელს უნდა გააჩნდეს საინფორმაციო ტექნოლოგიების საბაზისო ცოდნა. მაგ. ზოგადად ესმოდეს თუ რა არის სერვერი, ოპერაციული სისტემა, რას ნიშნავს IPv4 დამისამართება, რა არის ქვექსელი, ქსელის მასკა და ა.შ.

ასევე მსმენელი უნდა ფლობდეს ინგლისურ ენას მინიმუმ B1 დონეზე.

---

ტესტები და გამოცდა:

• ყველა ლექციის წინ მსმენელი ჩააბარებს შესაბამისი სერვისის ე.წ. “ტაქტიკურ ტესტებს”, რათა მოხდეს მისი შემოწმება, თუ როგორ ერკვევა ის ამა თუ იმ სერვისის თეორიულ საკითხებში (არაშეფასებადი კომპონენტი, ინგლისურად);
• კურსის ბოლოს მსმენელი ჩააბარებს “სიმულაციურ გამოცდას”, რომელიც მაქსიმალურად იქნება მიახლოვებული რეალური სასერტიფიკატო გამოცდის (AWS SAA-C03) საკითხებთან (შეფასებადი კომპონენტი, ინგლისურად);

---

კურსის პროგრამა:

1. Identity and Access Management (IAM)
2. Object Storage (S3)
3. Virtual Servers, Compute (EC2)
4. Block and File Storage (EBS, EFS, FSx, Lustre)
5. High-Availability (ELB)
6. Auto-Scaling (ASG)
7. Virtual Private Cloud/Networking (VPC)
8. DNS (Route 53)
9. Relational Databases (RDS + Aurora)
10. NoSQL Databases (DynamoDB, ElastiCache)
11. Data Analytics, Machine Learning (Redshift, Athena, Glue, OpenSearch)
12. Containerization (ECS, ECR, EKS )
13. Serverless Applications (Lambda, API Gateway)
14. Monitoring, Audit (CloudWatch, CloudTrail)
15. Caching & Performance (CloudFront, Global Accelerator)
16. Decoupling Applications (SNS, SQS, Kinesis)
17. Security & Encryption (KMS, SSM, WAF, Secrets Manager)
18. Disaster Recovery, Migration (DMS, AWS Backup)
19. Solution Architectures
20. Simulation Exam

სილაბუსი გაშლილად

---

რას შეძლებს და რა ეცოდინება მსმენელს კურსის გავლის შემდეგ?

AWS-ის საკვანძო ღრუბლოვანი სერვისების პრაქტიკული და გააზრებული გამოყენება მოიცავს:

• ვირტუალური სერვერების შექმნას (Linux, Windows) და მათ ავტომატურ მართვა/მასშტაბირებას
• ღრუბლოვანი ბლოკური და ობიექტური საცავების შექმნას და მათი სხვადასხვა ამოცანისთვის გამოყენებას. მაგ. ბექაპირება, რეპლიკაცია, გაზიარებული საცავი და ა.შ.
• სხვადასხვა სირთულის წვდომის დონეების განსაზღვრას
• რელაციურ და არალელაციურ მონაცემთა ბაზების ინფრასტრუქტურის აგება/გამართვა/მიგრაციას და პრაქტიკაში გამოყენებას
• ქეშირების გადაწყვეტილებების ორგანიზებას
• ღრუბლოვანი კონტეინერების სერვისების გამართვას
• განაწილებული ინფრასტრუქტურის ორგანიზებას
• ღრუბლოვან DNS სერვისთან მუშაობას
• საბაზისო დონეზე “Serverless” ტიპის სერვისების გამოყენებას
• ინფრასტრუქტურის სხვადასხვა არქიტექტურული გადაწყვეტილების რეალიზებას
• ათვისებული ღრუბლოვანი სერვისების ერთმანეთთან დაკავშირებას და 'ორკესტრირებას'
• ოფიციალურ სასერტიფიკატო გამოცდისთვის საკვანძო, ფუნდამენტური ცოდნის მიღებას
• სხვა დამატებითი ღრუბლოვანი სერვისების მუშაობის კონცეფციების ათვისებას